فايسبوكيات

طفلتي عمرها سنة وشهرين بين الحيا والموت”… هذه قصة سالي والانفجار

نشرت سالي ابراهيم قصّتها مع انفجار مرفأ بيروت الذي حصل بتاريخ ٤ اب ٢٠٢٠ عبر حسابها على موقع “فيسبوك”، فروت تفاصيل ما حصل معها قائلة:

“هيك لَفيت تيابها من بعد ما غسلتون بدموع عينيي وقبلها عن الأرض دماتها شلت دمها إلى تصَفى وبكل مكان حتى عن الحيطان أنا غسلتو .. وأنا ودماتها عن الأرض عم شيل قطعة منها لقيت.. قطعة أغلى من كل الدني.. بنتي بسبب ضربة على بطنها شالت قطعة من بطنها ووقفت طحالها.. بنتي إلي الأزاز كفى على فخدها و لَفّى لَفّ من يمينها لشمالها وعضمها وشرايينها بعيوني أنا شفت ومش بس هيك الشريان الرئيسي قطع (Femoral Artery ) الحكيم بوقتها قال يمكن يكون دمها صَفّى ويمكن نضطر نبترلها فخدها.. ضهروني لبرا وبين كل هالعالم إلى عم تبكي أحبابها وريحة الدم والإجرام إلى معبية المطرح زتيت حالي عالأرض وركعت ودعيت قلت لربي يا رب حميلي هي ما بدي شي تاني طفلتي العمرها سنة وشهرين بين الحيا والموت يا رب احميها ورجعلي هيي..

زر الذهاب إلى الأعلى